الرئيسيةالبوابةس .و .جالتسجيلدخول

شاطر | 
 

 مديرة تزوجت زوج معلمة قصة واقعية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نسيتك بهدوئي
الأدمن
avatar

Se52b50
الجنس : ذكر
♣ مشآرٍڪْآتِڪْ » : 781
العمر : 28
الموقع : في قلب من يحبني

مُساهمةموضوع: مديرة تزوجت زوج معلمة قصة واقعية   الأحد 08 يناير 2012, 6:00 am

السلام عليكم ورحمة الله وبركاته
ماذا فعلت المديرة بالمعلمات ؟
عادت مديرتنا الفاضلة بعد غياب دام مدة اسبوع او يزيد
استقبلها معلمتها بكل ود وترحيب حامدين الله على سلامتها
لانها كانت مثال للأخلاق وحسن التعامل مع الكل دون استثناء
المعلمات : الحمدلله على السلامه استاذه عسى ماشر وشفيك
غايبه كل ذا المدة ....
المديرة : الشر مايجيكم ابد والله تزوجت
المعلمات : ماشاالله من سعيد الحظ اللي تزوجتيه
والف مبارك منك العيال ومنه المال ..
المعلمات : وليه مابشرتينا الله يهديك علشان ندعي لك
المديرة : ابدا تزوجت واحد من ازواجكم
المعلمات : منصدمين زوج مين تزوجتي وكل وحده
ايدها على قلبها .
المديرة : مو لازم تعرفون .
المعلمات : الا تكفين علمينا زوج مين اللي تزوجتيه
علشان مانشكك برجالنا .
المديرة : ملزمين تعرفون . ؟
المعلمات : كلهم بصوت واحد ايه ملزمين .
المديرة : طيب بشرط .
المعلمات: وشو الشرط.؟
المديرة : بكرا كل وحدة منكم تجيب معها خمسمية ريال
واذا جت توقع حضور تحط الخمسمية على دفتر الحضور
الي اخذ فلوسها معناه اني ماتزوجت زوجها
واللي ماأخذ فلوسها هذي هي الي تزوجت زوجها
حرام اخذ زوجها وفلوسها .
المعلمات : طيب بكره بنجي ونجيب الخمسمية . والله يستر
وفي الصباح الباكر المعلمات جايين وكل وحدة معها
الخمسمية وقعت اول معلمة حطت الفلوس اخذتها المديرة
المعلمة تنفست الصعداء انه مهوب زوجها صار لأن المديرة اخذت
الخمسمية .
وبدا توقيع المعلمات وكل وحده تبي توقع تحط الخمسمية ويبدا
قلبها يدق لين تاخذها المديرة .
والمديرة تاخذ الفلوس لين وصلت للمعلمة الحادي عشر
حطت الخمسمية على الدفتر ووقعت المديرة ماأخذتها
المعلمة : خذيها ليه شويه احط الف .
المديرة : اعذريني
المعلمة ساكته . بدت تحس بحزن شديد
المديرة : رفعت راسها بشويش ناظرتها وقالت :
جوااااااااااااااااااهر وسحبت الخمسمية .
استانست المعلمة وفرحت لأن المديرة اخذت الخمسمية
جت اللي بعدها واللي بعدها والمديرة تلعب بأعصابهم لين وصلت
المعلمة 23 جمعت المديرة حوالي 11500 ريال لكن كان
هناك معلمة غايبة اتصلت عليهم قالت معليش ماقدرت اجي
لكن علموني من زوجة الي تزوجت المديرة؟؟؟؟؟؟؟؟؟
المعلمات : الى الان ماندري كلنا اخذت فلوسنا باقي انتي
المعلمة الغايبة : بدت تحس بخوف
المديرة : ها خلصو المعلمات
المعلمات : لا باقي فلانة غايبة
جت المعلمة الغايبة في اليوم التالي وجابت معها خمسمية
وحطتها على دفتر التحضير ووقعت .
المديرة : اخذت الفلوس وسكتت .
المعلمات مستغربين من المديرة اللي اخذت كل الفلوس لكن
يسألون انفسهم من زوجها اللي تزوجت المديرة؟
المديرة : طلبت من جميع المعلمات الحضور لاجتماع طارئ
المعلمات: بدت قلوبهم تدق لانهم قالو اكيد بتعلمنا منهو
المديرة : للمعلمات طبعا انا جمعت منكم 12000 ريال
والحقيقة انا ماتزوجت كنت في دورة تدريبية خاصة
لكن يابنات لي سنة وأنا اطلب منكم تتبرعون للمصلى ولا وحدة
منكم عطتني ريال الحين الفلوس الي جمعناها .
ماراح ارجعها لكم بنصلح فيها المصلى ونرتب مدرستنا
ونشتري كتيبات للمصلى وهدايا لطالبات المتميزات .
المعلمات : بصوت واحد ياجعلهن فدوتك لك تبين نزيدها زدناها
اهم شي ماتزوجتي واحد من ازواجنا
الرجوع الى أعلى الصفحة اذهب الى الأسفل
http://marry.the-up.com
 
مديرة تزوجت زوج معلمة قصة واقعية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات فراتيات من ذهب :: مملكة التسلية والترفية :: مملكة كان ياما كان-
انتقل الى: